قصيدة عن بعض شباب اليوم

االسلام عليكم...

مساكم شعر ..
هذي قصيده عن شباب اليوم

يالله طلبتك فـي حياتـي تساهيـل
والصبر لامن طال ماحـد يطيقـه
صحيح في هاالوقت أزمة رجا جيل
حقيقـة يـا مدوريـن الحقيـقـه
وين الرجـال الأوليـن الحلاحيـل
اللـي صداقتهـم صداقـة وثيقـه
اللي مجالسهم ضحـوك وتعاليـل
أهل الكرم وأهل الوجيـه الطليقـه
فرسان لاركبو على سبـق الخيـل
في يوم ولد اللاش يشـرق بريقـه
معاد باقي غيـر شبـه المهابيـل
والكل منهـم تايـه فـي طريقـه
أقصد بما وردة بعض أهل ذا الجيل
اللي خسـارة فيـه حتـى العقيقـه
وأنا أبو صفهم وصـوف بتقليـل
ماني موصفهـم وصـوف دقيقـه
خلو الثيـاب ويلبسـون البناطيـل
وكل معه جوال يضـرب مسيقـه
ورسائل الجـوال فيهـا التهاويـل
وكلماتهـا لا شـك ماهـي مليقـه
وتلقاء سوالفهم من القـال والقيـل
ثـم السيجـارة متخذهـا عشيقـه
وميعادهم معروف لا هـود الليـل
على الرصيف مقابلين الحـد يقـه
يبغون كافي شوب لا بن لا هيـل
وبالهمبرجرفي العصر فـك ريقـه
ما يشرب القهوة وشـراب ككتيـل
ومسبـب لأبـوه هـم وضيـقـه
ولو تسأله وشهوالجدي وشهو اسهيل
يقول يمكـن تخلـط مـع السليقـه
هيـاكـل عظمـيـة كالتماثـيـل
وكـل يقلـد يـوم يمشـي رفيقـه
ما يسري الغدرا ولا يقطع السيـل
ولاهو ببادي في الطـوال ألمويقـه
تكفون يـا شبابنـا شـدو الحيـل
واجـب نراقبكـم رقابـة لصيقـه
وإن ما سمعتم نصحنـا ولأقاويـل
روحو عساكم كلكـم فـي حريقـه

صح لسآآنك

قصـــيدة رائعه

وين الرجـال الأوليـن الحلاحيـل
اللـي صداقتهـم صداقـة وثيقـه

صدقت
يعطيك الــــعافية

مشكوووور يا سفيرنا

مشكووور تستاهل التقييم

والله انك صادق

\/مشكور\/

سلمت يمناك على النقل

مشكووورين الجميع على المرور الطيب

وصح لساااان قاصدها ,,,

أيه والله إنك صادق (مشكور وتستاهل التقييم)

» رسالة الى كل شباب قرية الهويدي
» قصيدة منصور سعد الرمالي
» قصيدة القحطاني بشمر
» شباب من حايل . يشكون موقع تويتر .
» قصيدة ابن فطيس((ياهيه))