السلام وشلونكم؟ وش أخباركم مع بداية العطلة؟ لو انها
قصيرة بس طبعاً مايحـــــــتاج حنا نمددها لما تصير شــــــ هـ ـــــــــر
بعد التعب والمذاكرة وهم الإختبارات
نبي نفرفش ونستانس ونتذكر ايام قبل
ف فضلاً لا امراً كل واحد ووحدة يسدح لنا جريمة من جرايمه يوم انه صغنووووون
واتمنى الكل يتفاعل
يالله انا ابدأ
الأخت (اللي هي انا) حبت تسوي مقلب وياثقله من مقلب
(يعني طالبة بأولى ابتدائي توقعون وش المقلب)
المهم انا كنت اجلس اخر الفصل لأني طويلة وبجنبي صديقتي(اردنية)
استأذنت صديقتي تبي لل؟؟؟؟؟ اعتقد فهمتوا :roll:
المهم عاد انا فكرت وفكرت وقلت ابسوي مقلب قمت بدلت شنطتي وحطيتها مكان شنطة صديقتي
وجلست بمكاني اتضحك يعني مسويه فيها خفيفة دم واول ماجت صديقتي كشفت المقلب وضحكنا
انتم اكيد مثلي احسب ان السالفة انتهت هنا
ورجعت للبيت
وجاء اليوم الثاني الا والله هذي صديقتي وامه بالطابور لا ومعهم المديرة والمرشدة بوجهي ويشرون علي ويقولون
هذي هي هذي هي :evil: :evil:
عاد انا صفيت بكل ادب واحترام بالطابور وللحين ماادري وش السالفة
وتقوم تجيني ام صديقتي وماهي اي مرة نفس اللي مع احلام رابح(فايزة) عاد انا بديت ارجف خوف من انه بتاكلني
الا ومادريت وتقوم تفتش شنطتي وتقول وين كتاب بنتي العلوم
عاد انا بديت استوعب شوي شوي قلت ماخذيته
والله ويستمر التفتيش والتحقيق يومين
وآخرتها طلعت خيتكم مظلومة تدرون وشلون كشفوا اني مظلومة
بعد يومين تدخل ابلة العلوم وتقول يا ف لقيت كتابك معي خذيته الحصة اللي فاتت
عاد انا من كثر قهري ماكلمت البنت الى يومكم هذا
رغم ان امها اعتذرت مني بس عاد انا كل شي ولا الكرامة
خصوصا اني كنت شاطرة ومعروفة عند المدرسات
ومن يومها عرفت اني ما أعرف اسوي مقالب فاعتزلت
وش رايكم تصلح رواية صح
